“კონსტიტუცია უნდა დაემტკიცებინა მთელ პარლამენტს და არა მხოლოდ უმრავლესობას” - ამის შესახებ ვენეციის კომისიის პრეზიდენტმა ჯანი ბუკიკიომ პრემიერ-მინისტრთან და პარლამენტის თავმჯდომარესთან შეხვედრის შემდეგ განაცხადა.

მისივე თქმით, სურს საქართველოს ახალი კონსტიტუცია იყოს სწორად შედგენილი კანონმდებლობა.

„ჩვენ გვქონდა ძალიან საინტერესო საუბარი პრემიერ-მინისრტთან და პარლამენტის თავმჯდომარესთან.

მათ ამიხსნეს ამ კრიზისის მიზეზები, რადგან მე ამას კრიზისად ვაფასებ.

მათ ავუხსენი, რომ მსურს საქართველოს ახალი კონსტიტუცია იყოს სწორად შედგენილი კანონმდებლობა, ეს ნიშნავს, რომ კონსტიტუცია უნდა დაემტკიცებინა მთელ პარლამენტს და არა მხოლოდ უმრავლესობას.

ვაგრძელებ კონსულტაციებს სხვა პარტიებთან, ისივე როგორც სამოქალაქო საზოგადოებასთან, მიმაჩნია, რომ ეს კანონმდებლობა უდნა იყოს მისაღები სხვა პარტიებისთვისაც და დამტკიცდეს ფართო კონსენსუსის შედეგად“,- განაცხადა ბუკიკიომ.