ერაყის შეიარაღებულმა ძალებმა „ისლამური სახელმწიფოს“ მებრძოლებისგან მოსული მთლიანად გაათავისუფლა. ამის შესახებ თავდაცვის სამინისტრო აცხადებს.
„ისლამურ სახელმწიფოს“ არცერთი რაიონი აღარ დარჩა. მებრძოლებს სხვა გამოსავალი აღარ აქვთ, კაპიტულაციის გარდა. ერაყში „ისლამური სახელმწიფოს“ არსებობა სამუდამოდ დამთავრდა“. ნათქვამია სამინისტროს განცხადებაში.

ერაყის ტელევიზიით ჩანს ერთადერთი ტიტრი „ფსევდოსახელმწიფო დაინგრა: ან-ნურის მეჩეთი თავისუფალია“. ეთერში ჩანს მეჩეთის ხედი და მასზე აღმართული ერაყის სახელმწიფო დროშა, ეთერში ასევე ისმის ხალხური მუსიკის ხმა.

ტელეარხ Sky News Arabia-ს ინფორმაციით, „ისლამური სახელმწიფოს“ რიგებში განხეთქილებაა, მეჩეთის რაიონში კი მებრძოლების მხოლოდ ხუთი დაჯგუფება იბრძვის.

გასულ კვირას ტერორისტებმა მოსულის მთავარი მეჩეთი ან-ნური ააფეთქეს.

სწორედ ამ მეჩეთში 2014 წლის ივლისში „ისლამური სახელმწიფოს“ მეთაურმა დაპყრობილ ტერიტორიებზე აბუ ბაქრ ალ-ბაღდადიმ „ხალიფატი“ და თავის თავი მის ხელმძღვანელად გამოაცხადა. ბაღდადში მეჩეთის აფეთქებას მებრძოლების მხრიდან დამარცხების აღიარება უწოდეს.