გასულ წლებთან შედარებით, წელს გარუჯვის დროს დამწვარ პაციენტებს შორის ქალბატონების რიცხვს მამაკაცები გაუთანაბრდნენ, ამის შესახებ, ”ჯი-ეიჩ-ენს”-ს დამწვრობის ცენტრის ხელმძღვანელმა, გუგა ქაშიბაძემ განუცხადა. 

გთავაზობთ ინტერვიუდან ამონარიდს:

”წინა წლებთან შედარებით, სტატისტიკა გაზრდილია. თუმცა, ეპიდემიასთან საქმე ნამდვილად არ გვაქვს. ზაფხულის დადგომიდან დღემდე ჩვენს ცენტრს დამწვრობის პრობლემბით 70-მა პაციენტმა მომართა, აქედან ქალების და მამაკაცების თანაფარდობა 50/50-ზე იყო. შემოსული პაციენტებიდან 17 სტაციონარში მოხვდა, დანარჩენი მათგანი ამბულატორულ მკურნალობას დაექვემდებარა.

მზით დამწვრობაში მამაკაცების რიცხვი შედარებით მომატებულია. შარშან, შარშანწინ, ასეთი შეფარდება არ იყო, უფრო მანდილოსნები ჭარბობდნენ. ეს მხოლოდ დამწვრობის ცენტრის სტატისტიკაა, თორემ ისედაც ხომ დაიწვნენ ადამიანები, რომლებიც დამწვრობის ცენტრში არ მოხვდნენ, რეგიონებში არიან და ა.შ.

რუჯი ნელ-ნელა მიიღონ, მზისგან დამცავი სხვადასხვა საშუალებები გამოიყენონ. ამას გარდა, დილის 11 საათიდან საღამოს 5 საათამდე მზის სხევებს უნდა მოერიდონ. განსაკუთრებით, ბავშვები და მოხუცები. გაითვალისწონონ, რომ ქოლგის ქვეშ და ღრუბლიან ამინდშიც კი შეიძლება საკმაოდ სერიოზული დამწვრობა მიიღონ. ყველას ვურჩევ, დამწვრობით დასვენების დღეები არ ჩაიშხამონ", - განაცხადა "ჯი-ეიჩ-ენ"-თან საუბრისას გუგა ქაშიბაძემ.