თბილისში, Park inn by Radisson-ი 2017 წელს გაიხსნება. სასტუმრო ჭანტურიას ქ. N10-ში, სასტუმრო „თორის“ ადგილზე აშენდება.

Park inn by Radisson-ი საშუალო სეგმენტის მომხარებელზე იქნება გათვლილი და 200 ნომერს, 120 ადამიანზე გათვლილ რესტორანს, ასევე ბარ,  ლობი-ბარ, საკონფერენციო დარბაზებს, შეხვედრების ოთახებს და 40 ავტომობილზე გათვლილ ავტოსადგომ გაწერთიანებს.

სასტუმროს მშენებლობაში 25 მილიონი დოლარის ინვესტიცია განხორციელდება და მშენებლობის პერიოდში 600-მდე ადამიანი დასაქმდება, ხოლო სასტუმროს გახსნის შემდეგ 200-ზე მეტი სამუშო ადგილი შეიქმნება.

აღსანიშნავია, რომ საერთაშორისო ბრენდის სასტუმროს Park inn by Radisson-ის მშენებლობისა და მართვის ხელშეკრულება კომპანია Block Invest-სა და Carlson Rezidor Group-ს შორის, 2015 წლის 16 აპრილს გაფორმდა.

აღსანიშნავია, რომ Block Invest-სა და Carlson Rezidor Group-ს თანამშრომლობით საქართველოში მეორე პროექტიც განხორციელდება, რომლის ფარგლებშიც სვანეთში Radisson Blu Mestia აშენდება, სადაც  72 სასტუმრო ოთახი განთავსდება. პროექტის ჯამური ინვესტიციის მოცულობა 10 მილიონი დოლარი იქნება.