გერმანიაში ავტობუსის ავარიის შედეგად მსხვერპლთა რაოდენობა დიდია
ბავარიაში ავტობუსისა და სატვირთო ავტომობილის შეჯახების შედეგად მსხვერპლი დიდია. ამის შესახებ გერმანიის ხელისუფლებამ განაცხადა. პოლიციის ცნობით, დაიღუპა 18 ადამიანი.
„სამწუხაროდ, ბევრი ადამიანი -საქსონიელი ტურისტი დაიღუპა ცეცხლმოდებულ ავტობუსში“, - განაცხადა გერმანიის მთავრობის ოფიციალურმა წარმომადგენელმა შტეფენ ზაიბერტმა.
ავარია ორშაბათს დილით მოხდა. ავტობუსი, რომელშიც 47 ადამიანი იმყოფებოდა სატვირთო მანქანას შეეჯახა და ცეცხლი გაუჩნდა. ჯერჯერობით ავარიის მიზეზები უცნობია.
