ქალის ტანსაცმელში ჩაცმულმა თვითმკვლელმა ლტოლვილთა ბანაკში თავი აიფეთქა - დაიღუპა 14 ადამიანი
ქალის ტანსაცმელში ჩაცმულმა თვითმკვლელმა-ტერორისტმა ერაყის ანბარის პროვინციაში მდებარე ლტოლვილების ბანაკთან თავი აიფეთქა. Al Jazeer-ს ინფორმაციით, დაიღუპა 14 ადამიანი და 13 დაიჭრა. მსხვერპლთა უმეტესობა ქალები და ბავშვები არიან. ადგილობრივი ხელისუფლების განცხადებით, დანარჩენ ლტოლვილებს სხვა ბანაკში გაგზავნიან.
მედიის ცნობით, მსხვერპლი გაცილებით ბევრი იქნებოდა, ერთ-ერთ ოფიცერს თავდამსხმელის განეიტრალება რომ არ ეცადა.
მომხდარზე პასუხისმგებლობა „ისლამურმა სახელმწიფომ“ აიღო.
