„ისლამური სახელმწიფო“ და ალ-ქაიდა“ შესაძლოა გაერთიანდეს
ევროკავშირის კოორდინატორი ტერორიზმთან ბრძოლის საკითხებში ჟილ დე კერშოვი მიჩნევს, რომ უახლოეს პერიოდში არსებობს „ისლამური სახელმწიფოსა“ და „ალ-ქაიდას“ გაერთიანების შესაძლებლობა.
მან ამის შესახებ ბელგიურ გაზეთ Soir-ს განუცხადა. მისი თქმით, „ისლამური სახელმწიფოს“ ფაქტობრივი წარუმატებლობის მიუხედავად, ორგანიზაცია საქმიანიობას ინტერნეტში მაინც განაგრძობს.
ამასთან მისი აზრით, აუცილებელია სიფრთხილის გამოჩენა არამხოლოდ ასეთი „იაფასიანი ტერორიზმის“ მიმართ ინტერნეტსივრცეში, არამედ განსაკუთრებული ყურადღების გამახვილება ტერორისტული ორგანიზაციების არსებობასთან დაკავშირებით.
კერშოვმა „ისლამური სახელმწიფოსა“ და „ალ-ქაიდას“ შერწყმა არ გამორიცხა.
მისი თქმით, ევროკავშირის პოლიციის სამსახურში უკვე შექმნილია სპეციალისტების ჯგუფი ინტერნეტსივრცის რეგულარული მონიტორინგისთვის.
