ნინო ჩხეიძის მიერ „ნანუკას შოუში“ შესრულებულმა სიმღერამ „შენ რა იცი ძვირფასო...“ თაკო ჩარკვიანის განაწყენება გამოიწვია.

„კარგი იქნებოდა- როცა ასეთ ცნობილ სიმღერას მღერი ან ავტორი დაასახელოს ან კომპოზიტორი", - ასე გამოეხმაურა ჩანსუღ ჩარკვიანის შვილი სოციალურ ქსელში მომღერალ ნინო ჩხეიძეს.

„ისე კარგი იქნებოდა- როცა ასეთ ცნობილ სიმღერას მღერი ან ავტორი დაასახელოს ლექსის ან კომპოზიტორი ან პირველი შემსრულებელი ან ან- ეს სტატუსი მომღერალ ნინო ჩხეიძეს ეხება- არ შეიძლება ასე ხელაღებით, არაპროფესიონალურად მოქცევა- არსებობს საავტორო უფლებები- ლექსის ავტორი ჯანსუღ ჩარკვიანი- კომპოზიტორი არჩილ კერესელიძე- პირველი შემსრულებელი გახლდათ მედიკო ძიძიგური- არ შეიძლება ასე, ელემენტარული ეთიკის "ამბავია" აღარაფერს ვამბობ საავტორო უფლებაზე- საერთოდ უნდა მიაქციონ ამას ყურადღება- ბევრი კომპოზიტორისგან და პოეტისგან მსმენია საყვედური და სამართლიანადაც- დიმპიტაური-დამპიტაური არ არის მხოლოდ პოეზია და მუსიკა,“- წერს თაკო ჩარკვიანი „ფეისბუკის" საკუთარ გვერდზე.