დანით შეიარაღებული მამაკაცი ნიუ-იორკის Trump Tower-ში შეღწევის მცდელობისას დააკავეს. ამის შესახებ New York Daily News-ი იტყობინება, მამაკაცს ტყვიაგაუმტარი ჟილეტი ეცვა.

გამოცემის ცნობით, 52 წლის ადამს ბენიტეზი შენობაში შესვლის დროს საიდუმლო სამსახურის აგენტებმა გააჩერეს. მამაკაცმა განაცხდა, რომ სენატორი იყო და პრეზიდენტ დონალდ ტრამპის ქალიშვილთან - ივანკასთან შეხვედრა სურდა.

ჩხრეკისას მამაკაცს ორი დანა და პირადობის ყალბი მოწმობა აღმოაჩინეს.

პოლიციის თქმით, დაკავებული მამაკაცი საავადმყოფოში ფსიქიკური ჯანმრთელობის შესამოწმებლად გადაიყვანეს. მას ასევე წაუყენეს ბრალი იარაღისა და ყალბი დოკუმენტების შენახვისთვის.