ტერაქტს 10 ეგვიპტელი სამხედრო ემსხვერპლა
ათი ეგვიპტელი სამხედრო დაიღუპა სინაის ნახევარკუნძულზე მომხდარი ტერაქტის შედეგად. ამის შესახებ ტელეარხი Sky News Arabia იუწყება.
ტელეარხის მონაცემებით, მებრძოლები თავს დაესხნენ ღაზას სექტორთან ახლოს მდებარე ქალაქ რაფაჰს, ელ-ბარასის რაიონში. მბრძოლებთან შეტაკებისას ასევე დაიღუპა ეგვიპტის სპეცრაზმის პოლკოვნიკი.
ეგვიპტე უკვე სამი წელია ანტიტერორისტულ ოპერაციას აწარმოებს სინაის ნახევარკუნძულის ჩრდილოეთით, სადაც ძნელადმისადგომ რაიონებში ექსტრემისტული დაჯგუფებები ჩამოყალიბდნენ.
