დატბორილი სახლები და სარდაფები - ძლიერი წვიმა და სეტყვა გურჯაანში
ძლიერი წვიმისა და სეტყვის შედეგად გურჯაანის მუნიციპალიტეტის სოფელი ვაზისუბანი დაზარალდა.
არსებული ინფორმაციით, სანიაღვრე არხებმა წყალი ვეღარ გაატარა, რის გამოც რამდენიმე საცხოვრებელი სახლის პირველი სართულები და სარდაფები დაიტბორა.
რა ოდენობის ზარალზეა საუბარი ჯერ უცნობია. ადგილზე შესაბამისი კომისია მუშაობას ცოტა ხანში დაიწყებს.
