მომღერალი მარკუს მეტრეველი პირველ კოლექციაზე მუშაობს. სიმღერის პარალელურად, მომღერალი აქტიურად ჩაერთო მოდის სფეროში.

„პრაიმნიუსჯორჯიას“ მარკუს მეტრეველი თავის გეგმებზე ესაუბრა.

მარკუს მეტრეველი: მე დიზაინერი ვარ. რამდენიმე წლის განმავლობაში მინდოდა ჩემი ბრენდის, ჩემი ხაზის შექმნა, მაგრამ დრო არ მქონდა, არტისტის კარიერაში ვიყავი ჩაფლული. ბევრი მეგობარი და დიზაინერი მთხოვდა შემექმნა კოლექცია, დიზაინერი გავმხდარიყავი. ასე მივიღე ბრენდის შექმნის გადაწყვეტილება. 

რამდენი ხანია მუშაობ კოლექციაზე?

კოლექციაზე 3 თვეა ვმუშაობ. პრეტაპორტე დელუქსის ხაზის მიმართულებით. ყოველთვის მინდოდა შემექმნა როგორც მამაკაცის, ასევე ქალის სამოსი, თუმცა ეს კოლექცია გათვლილია ახალგაზრდა თინეიჯერებზე.

ესკიზებს შენ თვითონ ქმნი?

რა თქმა უნდა. ჯერ იქმნება ესკიზი, რომელსაც ვაცოცხლებ მანეკენზე, შემდეგ კი მოდელზე. ის, რაც მაცვია სცენაზე, ჩემი შექმნილია. გემოვნებიან ადამიანებს ყოველთვის მოსწონდათ.

პირველ ჩვენებას სად აკეთებ?

ჩვენება დაგეგმილია იტალიაში.

როდის?

ივლისის ბოლოს მივფრინავ. ჩემს კოლექციას წარმოადგენენ „პრაიმ მოდელ ენეჯმენტსის“ თინეიჯერი მოდელები, რადგან კოლექცია თინეიჯერებზეა გათვლილი.

მოდის კვირეულზე გასვლა არ გიფიქრია?

შემოთავაზება მაქვს აჭარის მოდის კვირეულიდან, მაგრამ თუ დრო მექნება აუცილებლად მივიღებ მონაწილეობას. იქ, პროფესიონალი მოდელები წარმოადგენენ ჩემს სამოსს. ძალიან დიდი მადლობა მინდა გადავუხადო ქალბატონ მანანა გოგლიჩიძეს, ასევე ქ-ონ ია დოლიძეს.

მაღაზიის გახსნას არ აპირებ?

ახლო მომავალში ვგეგმავ მაღაზიის გახსნასაც.

ესაუბრა გიორგი საკარული, PrimeNewsGeorgia