„აქ ზის თფილისი“ - ასეთი სახელწოდების კლუბი გახსნა მსახიობმა ლევან სუხიტაშვილმა თბილისის ცენტრში. კლუბის პრეზენტაცია მსახიობმა სერიალ „ჩემი ცოლის დაქალები“-ს მე-11 სეზონის დახურვას დაამთხვია.

მსახიობებმა და სტუმრებმა კარგად მოილხინეს. შთაბეჭდილებები კი „პრაიმნიუსჯორჯიას“ გაუზიარეს.

ნანუკა გულუა:

უდიდესი სიყვარულით ვარ ჩემი გუნდის მიმართ განწყობილი. ლევანის ინიციატივას, რა თქმა უნდა, ვუერთდები და რაც შეგვიძლია, ყველაფერს გავაკეთებთ იმისათვის რომ ამ ადგილმა გაამართლოს და წარმატებული იყოს. ძალიან მყუდრო გარემოა და ძალიან ხმაურიანი საღამოები გვექნება ხოლმე. წარმატებებს ვუსურვებ და ძალიან ხშირი სტუმარი ვიქნები.

როგორ ფიქრობთ, სახელი გაამართლებს?

იცით რა არის, აქ იჯდა თფილისი, ეგრე არარის რა. შემოვედი და ვერცერთი თბილისელი ვერ ვნახე აქ ჩამომჯდარი. გაამართლებს რადგან აქ იჯდა თფილისი, ე.ი. მეგრელები ისხდნენ, ავტომატურად ამას ნიშნავს. ძალიან კრეატიული სახელია.

მარიშკა ჯავახაძე:

მე ზოგადად ძალიან მჯერა აურისა და ენერგიის. მგონია, რომ ჩვენი მე-11 სეზონის დამთავრება და ამ ბარის გახსნა ერთმანეთს დაემთხვა. ძალიან მომეწონა ინტერიერი, უცხო გარემოა და რაც მთავარია, კომფორტულია. მე და ნანუკა ხშირი სტუმრები ვიქნებით.

სალომე შარვაძე, მსახიობი:

ძალიან მაგარი ადგილი გაიხსნა. არის მყუდრო გარემო, შეგიძლია მეგობრებთან ერთად მოხვიდე და გაატარო ძალიან მაგარი დრო.

ნინო გაჩეჩილაძე:

აღმოჩნდა რომ ლევანს მსახიობობის გარდა, სხვა უნარებიც ჰქონია. აი, შესანიშნავი ბარი გახსნა, ძალიან აქტუალური სახელი დაარქვა. სიმბოლურია რომ დაემთხვა სეზონის დახურვას და ჩვენ გვაქვს კორპორატიული ბანკეტი.

რამდენად გაამართლებს სახელს?

არ ვიცი რამდენად გაამართლებს სახელს, გააჩნია ვინ მოვა ამ ბარში, მაგრამ თუ კოლორიტული ადამიანები ესტუმრებიან, რა თქმა უნდა გაამართლებს.

არის მათი ადგილი აქ?

კი, რატომაც არა.თბილისის ცენტრია, თავისუფლების მოედანია და ზუსტადაც აქ უნდა იჯდეს თბილისი.

ავტორი გიორგი საკარული, ფოტო ლუკა ხაბელაშვილი, PrimeNewsGeorgia