პრინცი ჰარი და პოპულარული ამერიკელი მსახიობი მეგან მარკლი ერთმანეთს გასული წლის ნოემბრიდან ხვდებიან. თუმცა შეყვარებულებს შორის ყველაფერი უკვე სერიოზულდაა. ინსაიდერები ირწმუნებიან, რომ წითურ ინგლისელს მარკლის ცოლად მოყვანა სურს.

წყვილის საუბედურიდ, საქმეში ჰარის გვირგვინოსანი ბებია, დედოფალი ელისაბედ მეორე ჩაერია. ის ამ კავშირის კატეგორიული წინააღმდეგია, რის შესახებაც ცოტა ხნის წინ შვილიშვილს თავად უთხრა. ინსაიდერების თქმით, ახალგაზრდა პრინცი დედოფლის პოზიციის გამო ძალიან დათრგუნულია.

 „ჰარისთვის წარმოუდგენელია როგორ დაუბრუნდება ის თავის მოვალეობებს, თუ კი მასთან მეგანი არ იქნება“, - განუცხადა ერთ-ერთმა ინსაიდერმა OK Magazine-ს. ამბობენ, რომ ახალგაზრდა ბრიტანელმა შესაძლოა საყვარელი ქალისთვის გვირგვინის პრეტენზიაზეც კი თქვას უარი.

ელისაბედს შვილიშვილის რჩეულის მიღება იმის გამო არ სურს, რომ მეგანი მანამდე გათხოვილი უკვე იყო.

საინტერესოა, რომ სამეფო კარის ყველა წევრი ელისაბედს არ ეთანხმება. ჰარის ძმა პრინცი უილიამი და მისი მეუღლე ჰერცოგინია ქეითი შეყვარებულებს მხარს უჭერენ და აღნიშნავენ,რომ ჰარი და მეგანი ძალიან ბედნიერები ჩანან.

 ვაჟის რომანის შესახებ პრინც ჩარლზის აზრი კი პრესისთვის უცნობია.