ე.წ. ციანიდის საქმეზე საქალაქო სასამართლოში მეუფე იაკობის დაკითხვა მიმდინარეობს. სასამართლოს შენობაში შესვლამდე მან ჟურნალისტებთან აღნიშნა, რომ იტყვის მხოლოდ სიმართლეს.

დღეს საქალაქო სასამართლოში პატრიარქის მდივან-რეფერენტი, შორენა თეთრუაშვილიც დაკითხეს. თეთრუაშვილმა დაკითხვის დასრულების შემდეგ ჟურნალისტებთან კომენტარი არ გააკეთა.

დეკანოზის ადვოკატის თქმით, სასამართლო სხდომაზე მდივან-რეფერენტის პასუხებიდან გამომდინარე, მამა გიორგი მამალაძის ბრალეულობა არ დასტურდება.

ე.წ. ციანიდის საქმის პროკურორი კი აცხადებს, რომ შორენა თეთრუაშვილის დაკითხვამ ცხადი გახადა, რომ მამა გიორგი მამალაძე გამოძიებას და სასამართლოს ატყუებდა.