სომხური საკათედრო ტაძრის ეზოში ფესტივალი-კონკურსი „ტოლმა-2017“ მიმდინარეობს
თბილისში, სომხური საკათედრო ტაძრის ეზოში ფესტივალი-კონკურსი „ტოლმა-2017“ მიმდინარეობს. კონკურსზე წარმოდგენილი იქნება ტოლმის სხვადასხვა სახეობა.
ღონისძიებაში მონაწილეობას 40 დიასახლისი იღებს. ერევნიდან ჩამოსული სპეციალური ჟიური შეაფასებს სომხური ეროვნული კერძის სხვადასხვა თვისებას.
სომხური ტოლმის ფესტივალ-კონკურსს საქართველოს სომეხ ქალთა კავშირი „შუშანიკი“ საქართველოს სომეხთა ეპარქიის საეპისკოპოსოს მხარდაჭერით აწყობს.
