თურქეთში მომხდარი ავარიის დროს დაშავებულ ერთ-ერთ ქალბატონს ფეხის ამპუტაცია დასჭირდა.

როგორც საზოგადოებრივი მაუწყებელი წერს, ქალბატონი ცეკვის საბავშვო ანსამბლის წევრის მშობელია.

აჭარის ჯანდაცვის მინისტრის ზაალ მიქელაძის ინფორმაციით, ამ დროისთვის კლინიკაში ოთხი დაშავებული რჩება.

„საავადმყოფოში რჩებიან ავტობუსის მძღოლი, რომელიც რეანიმაციულ განყოფილებაშია მოთავსებული. ასევე ანსამბლის ხელმძღვანელი თავის ტვინის დაზიანებით, ერთ-ერთი მშობელი, რომელიც კიდურის დაზიანებით იმყოფება სტაციონარში. ერთ-ერთი ბავშვის დედას კი ქვედა კიდურის ამპუტაცია ჩაუტარდა“,- განაცხადა მიქელაძემ.

შეგახსენებთ, რომ თურქეთში, გამთენიისას ავტობუსი, რომელსაც ქართული ცეკვის ანსამბლ „ლამპრების“ წევრები გადაჰყავდა ავარიაში მოჰყვა.

ტრანსპორტსი 38 ადამიანი იმყოფებოდა და ყველა მათგანი დაშავდა.

ბავშვების სამშობლოში დაბრუნებას სავარაუდოდ, დღესვე უზრუნველყოფს თურქული მხარე.