„ისლამური სახელმწიფოს“ ლიდერი აბუ ბაქრ-ალ-ბაღდადი სავარაუდოდ ცოცხალია და სირიის ქალაქ რაქაში იმალება. ამის შესახებ ერაყის შსს-ს წარმომადგენელმა აბუ ალი ალ-ბასრიმ განაცხადა.

გასულ კვირას ერაყულმა მედიამ გაავრცელა ინფორმაცია იმის შესახებ, რომ „ისლამურმა სახელმწიფომ“ ალ-ბაღდადის გარდაცვალება აღიარა.

მანამდე რუსეთის თავდაცვის სამინისტროს მიერ გავრცელებული ინფორმაციით, ალ-ბაღდადი 28 მაისს რაქის მისადგომებთან საჰაერო იერიშისას დაიღუპა.

ალ-ბაღდადიმ პირველად საჯაროდ 2014 წლის ივლისში გამოჩნდა, როდესაც მოსულში „ისლამური სახალიფოს“ დაარსების შესახებ განაცხადა.

მას შემდეგ მედია არაერთხელ ავრცელებდა ინფორმაციას მისი გარდაცვალების შესახებ, თუმცა ეს ინფორმაციები არასდროს დადასტურებულა.