ე.წ. ციანიდის საქმეზე ბრალდებული დეკანოზი მატროსოვის ციხიდან კიდევ ერთ სკანდალურ განცხადებას ავრცელებს. 

სასულიერო პირი ადვოკატთან საუბრისას აცხადებს, რომ სამების საკათედრო ტაძარში ხანძარი შეგნებულად იყო გაჩენილი.  

მისივე თქმით, ქვეყნის ყველაზე დიდი ტაძარი ერთი წლის და 4 თვის წინ ძვირფასი ნივთებისა და ოქროს მოპარვის მიზნით, განგებ დაწვეს.

ხანძარი სამებაში პატრიარქის ქორეპისკოპოს იაკობსა და დაკავებულ დეკანოზ შორის ურთიერთბრალდებების ახალი მიზეზი გახდა. ე.წ. ციანიდის საქმის ბოლო სხდომაზე პროკურორმა ჟურნალისტებს უთხრა, რომ ნახანძრალის აღდგენისა და რემონტისთვის გამოყოფილი 2 მილიონი ლარის მითვისებას, ციხეში მყოფი მამა გიორგი ცდილობდა.

სარემონტო და აღდგენითი სამუშაოების თითქმის 80 პროცენტი დასრულებულია. უახლოეს მომავალში საბერძნეთიდან ბრები და მარმარილოს ფილები ჩამოვა, რადგან ხანძარმა კედლები და ჭერი სრულად გაანადგურა.