ფინანსთა სამინისტრო 2015 წლის სახელმწიფო ბიუჯეტის კოპრექტირებას აპირებს. ფინანსთა მინისტრმა, მტავრობის სხდომაზე, მიმდინარე წლის სახელმწიფო ბიუჯეტში მორიგი ცვლილებები მოითხოვა, რაც მისი განმარტებით, ეკონომიკური ზრდის მაჩვენებლისა და გადასახადების მობილიზების ტენდენციით არის განპირობებული.
"ამ ტენდენციების გათვალისწინებით, დღეს ჩვენ წარმოდგენილი გვაქვს 2015 წლის სახელმწიფო ბიუჯეტში ცვლილებების პროექტი. ეკონომიკური ზრდის მაჩვენებლისა და გადასახადების მობილიზების ტენდენციის გათვალისწინებით, გვინდა გთხოვოთ, რომ 120 მლნ ლარით გავზარდოთ სახელმწიფო ბიუჯეტში გადასახადების გეგმა. ამავე დროს ჩვენ 283 მლნ-თი გვინდა შევამციროთ სესხება შიდა ბაზარზე – სახაზინო ვალდებულებებს აღარ გამოვუშვებთ, ამის საჭიროება არ არის ქვეყანაში. 100 მილიონი ლარით შემცირდება საგარეო დაკრედიტება და აღნიშნული თანხებიდან 96 მილიონი ლარით გაიზრდება შრომის, ჯანმრთელობისა და სოციალური უზრუნველყოფის სამინისტროს დაფინანსება," - განაცხადა ნოდარ ხადურმა მთავრობის სხდომაზე.
ფინანსთა მინისტრმა აღმასრულებელ ხელისუფლებას მიმართა თხოვნით, წარმოდგენილი ცვლილებები პარლამენტს მიმდინარე კვირასვე გადაუგზავნოს.