,,გამოძიების პროცესში ჩვენ არ ჩავერევით და არ აქვს უფლება არც ერთ პოლიტიკოსს გავლენა მოახდინოს გამოძიების მიმდინარეობაზე”, - ამის შესახებ საპარლამენტო უმრავლესობის წევრმა, ეკა ბესელიამ „ქართველთა მარშის“ ერთ-ერთი ორგანიზატორის, გია კორკოტაშვილის შესახებ საუბრისას განაცხადა.

მისივე თქმით, გია კორკოტაშვილის პატრიოტიზმში ეჭვი არ ეპარება.

„მე გიას პატრიოტიზმში ეჭვი არ მეპარება ნამდვილად და მის პატრიოტულ სულისკვეთებაში. კონკრეტულ მუქარის ფაქტის საქმეზე გამოძიებამ უნდა იმუშაოს ისე, რომ ობიექტურად, ყოველგვარი მიკერძოების გარეშე მოხდეს ყველა მოქმედების ჩატარება. არავითარი პოლიტიკური განცხადებები არ სჭირდება ამ პროცესს",- განაცხადა ბესელიამ.