„ლუკოილმა“ საცალო ქსელში ზოგიერთი პროდუქტის ფასი 5 თეთრით გააიაფა. კომპანიის ინფორმაციით, ევრო სუპერის, პრემიუმ ავანგარდის და ევრო რეგულარის ფასი ქსელში 5 თეთრით გაიაფდა, ხოლო ევრო დიზელის ღირებულება უცვლელი დარჩა.

რაც შეეხება კომპანია „ვისოლს“, მანაც ცალკეული პროდუქტების ფასის კორექტირება დღეიდან მოახდინა და ის 5 თეთრით გააიაფა.

უფრო კონკრეტულად კი „ვისოლმა“ 5 თეთრით გააიაფა: ეკო სუპერის, ეკო პრემიუმის, ეკო რეგულარისა და ევრო რეგულარის ღირებულება.

რაც შეეხება კომპანია „გალლფს“, საიტზე განთავსებული ინფორმაციის მიხედვით, ბოლო კორექტირება 5 ნოემბერს მოახდინა, როცა ევრო რეგულარის ტიპის საწვავის ფასი 4 თეთრით გააძვირა.

ამ დროისათვის ნავთობპროდუქტების ფასი უცვლელია „სოკარ პეტროლიუმსა“ და „რომპეტროლში“.