ორმხრივ სროლას მსხვერპლი მოყვა
სულ მცირე ორი ადამიანი დაიღუპა და 10 დაშავდა, მექსიკის დედაქალაქში მომხდარი სროლისას. ინციდენტი მეხიკოს ერთ-ერთი ბაზრის ტერიტორიაზე მოხდა.
პროკურატურის ინფორმაციით, დაიღუპა 45 წლის ქალი და 55 წლის მამაკაცი. დაჭრილთა შორის არიან არასრულწლოვანებიც.
თვითმხილველთა თქმით, ორმხრივი სროლა ჩხუბის შემდეგ დაიწყო. ხელისუფლება გამოძიებას აწარმოებს. ჯერჯერობით არავინ დაუკავებიათ.
