ვენესუელაში ბოლო ორი დღის განმავლობაში საპროტესტო აქციების დროს 16 ადამიანი დაიღუპა. ამის შესახებ ეროვნული ასამბლეის დეპუტატმა ენრი რამოსმა განაცხადა. ქვეყანაში გუშინ ნაციონალური დამფუძნებელი კრების არჩევნები გაიმართა.

რამოსის თქმით, არჩევნებში მონაწილეობა ოპოზიციის მონაცემებით  19,4 რეგისტრირებული ამომრჩევლიდან 2,5 მლნ ადამიანმა მიიღო.
ნაციონალურმა დამფუძნებელმა კრებამ ქვეყნის კონსტიტუციაში ცვლილებების შეტანის შესახებ უნდა იმუშაოს.

 კრება პრეზიდენტ ნოკოლას მადუროს ინციატივით მოიწვიეს.

ოპოზიცია ამ არჩევნებს არ აღიარებს, და აცხადებს, რომ დამფუძნებელი კრების მოწვევა რეფერენდუმის საშუალებით უნდა მომხდარიყო.

 ამ მოვლენებმა ქვეყანაში მიმდინარე მასობრივი პროტესტები უფრო გაამძაფრეს, აპრილიდან საპროტესტო აქციების შედეგად უკვე 100-ზე მეტი ადამიანი გარდაიცვალა.