მოზარდი თვითმფრინავის დაჯდომისთანავე ფრთაზე აძვრა
17 წლის მოზარდი სან-ფრანცისკოს აეროპორტში ავიალაინერის დაჯდომისთანავე თვითმფრინავის კარი გააღო და ფრთაზე აძვრა, შემდეგ კი ძირს გადახტა. ამის შესახებ Associated Press-ი წერს.
მოზარდი აეროპორტის თანამშრომლებმა გააჩერეს და პოლიციას გადასცეს.
ავიაკომპნია Copa Airlines-ის თვითმფრინავი პანამა-სან-ფრანცისკოს რეისს ასრულებდა. მგზავრების თქმით, ახალგაზრდა თვითმფრინავის ბორტზე ემოციურად იქცეოდა. ინციდენტის დროს არავინ დაშავებულა. აეროპორტს მუშაობა არ შეუწყვეტია.
