წინასაარჩევნოდ ადმინისტრაციული რესურსის გამოყენების შემთხვევებზე უწყებათშორის კომისიას მკაცრი რეაგირება ექნება, - განაცხადა იუსტიციის მინისტრმა და უწყებათშორისი კომისიის თავმჯდომარემ თეა წულუკიანმა.

ცესკო-სთან ურთიერთთანამშრომლობის მემორანდუმის გაფორმებისას მან ასევე აღნიშნა, რომ ადმინისტრაციული რესურსის გამოყენება არ უნდა მოხდეს არც მმართველი და არც ოპოზიციური პარტიის მიერ.

,,ადმინისტრაციული რესურსის გამოყენება არ უნდა მოხდეს არც მმართველი და არც ოპოზიციური პარტიის მიერ, რომლებიც შეიძლება რომელიმე თანამდებობაზე არიან, ხელი ადმინისტრაციულ რესურსზე მიუწვდებათ და ამჟამად თვითმმართველობის არჩევნებში კანდიდატები არიან", - განაცხადა მინისტრმა.

მისივე თქმით, მემორანდუმი მთავარი პრინციპებისადმი ერთგულებას ითვალისწინებს.

,,ტრადიციისამებრ საარჩევნო კამპანიის პირობები მემორანდუმს ვაფორმებთ, რომელიც რასაც წარსულში იგივეს, მთავარი პრინციპებისადმი ერთგულებას ითვალისწინებს, კერძოდ, იმას, რომ სახელმწიფო და მმართველი პოლიტიკური პარტია 2012 წლიდან დღემდე გაყოფილები არიან და გვინდა მომავალშიც ასე იყოს", - თქვა წულუკიანმა.