დაკარგულმა პოლონელმა ტურისტმა შემთხვევით ტყე გადაწვა
მონტენეგროში, ქალაქ ბართან, ტყეში დაკარგულმა პოლონელმა ტურისტმა მასშტაბური ხანძარი გამოიწვია.
არსებული ინფორმაციით, პოლონელ ტურისტის გზა აებნა და SOS სიგნალისთვის ტყეში ცეცხლი დაანთო. ტურისტი რამდენიმე საათში იპოვეს და დააკავეს, ტყეში გაჩენილი ხანძრის ლიკვიდირებას კი მეხანძრეები უკვე მეორე დღეა ცდილობენ.
როგორც ადგილობრივი მედია იუწყება, SOS სიგნალისთვის დანთებული კოცონიდან ცეცხლი ტყეში სწრაფად გავრცელდა და დიდი ფართობი მოიცვა.
