,,დაიცავი კონსტიტუციის" წევრების მთავარი მოთხოვნა პროპორციულ საარჩევნო სისტემაზე გადასვლაა. მათი განცხადებით, წინააღმდეგ შემთხვევაში ,,ხელისუფლებასთან კონსესუსის იმიტაციაში” მონაწილეობას არ მიიღებენ.

,,თუ მოცემულობა დაუბრუნდება პროპორციულ სისტემაზე გადასლის საკითხს, ასეთ შემთხვევაში ჩვენ მოლაპარაკებების მაგიდასთან დავჯდებით. სხვა შემთხვევაში ჩაშლილ კონსულტაციებზე პასუხისმგებლობა ხელისუფლებას დაეკისრება," - განაცხადა ეროვნულ-დემოკრატიული პარტიის თავმჯდომარემ ბაჩუკი ქარდავამ.

ოპოზიციური პარტიები პასუხს უკვე ხელისუფლებისგან ელოდებიან. მათი თქმით, სწორედ ამ პასუხიზე იქნება დამოკიდებული, შედგება თუ არა შეხვედრა სტრასბურგში.

საკონსტიტუციო ცვლილებებთან დაკავშირებით პოლიტიკური პარტიები ერთობლივ წერილზე მუშაობენ. 

რამდენიმე დღის წინ საპარლამენტო უმრავლესობამ განცხადება გაავრცელა, სადაც ოპოზიციასთან დიალოგის გაგრძელების შესაძლებლობას კითხვის ნიშნის ქვეშ აყენებს და აცხადებს, რომ მისთვის ოპოზიციის მხრიდან ულტიმატუმით საუბარი მიუღებელია. 

ვენეციის კომისიის პრეზიდენტმა მხარეებს 6 სექტემბერს სტრასბურგში შეხვედრა შესთავაზა.