პოლონეთში ორი მატარებლის შეჯახების შედეგად 21 ადამიანი დაშავდა
პოლონეთის ქალაქ სმეტოვო გრანიჩნეში, მატარებლების შეჯახებისას სულ ცოტა 21 ადამიანი დაშავდა, ამის შესახებ ინფორმაციას The Sun-ი ავრცელებს.
ერთმანეთს სამგზავრო და სატვირთო მატარებლები შეეჯახნენ, რის შედეგადაც სამგზავრო მატარებელი ლიანდაგებიდან გადავიდა.
ავარიის დროს სამგზავრო მატარებელში 130 ადამიანი იმყოფებოდა. დაშავებულთა შორის ოთხი ბავშვია, მათ მსუბუქი დაზიანებები მიიღეს.
