შპს “ბიოაგროს“ მცენარეთა ბიოლოგიური დაცვის ცენტრის დასკვნის საფუძველზე ვ. გოძიაშვილის სახეობის პარკში 15 ძირი გამხმარი  და ავარიული ხე მოიჭრება. ღონისძიებას  თბილისის მერიის ეკოლოგიისა და გამწვანების საქალაქო სამსახური სანიტარულ-მოვლით ღონისძიებების ფარგლებში ახორციელებს.

ფიტოსანიტარული მონიტორინგი ვ. გოძიაშვილის პარკში არსებულ 220 ძირ მწვანე ნარგაობას ჩაუტარდა. შედეგად დადგინდა, რომ ხე-მცენარეებზე გავრცელებულია მავნებელ-დაავადებები, რომლებიც ხეების ნაწილობრივ ან სრულ დაზიანებას და ხმობას იწვევს. 

სწორედ მავნე ორგანიზმების შეზღუდვის მიზნით,   შპს „ბიოაგროს“ რეკომენდაციის საფუძველზე,  15 ძირი გამხმარი და ავარიული ხე მოიჭრება. შესაბამისად, აღნიშნული ხეების ჭრა არანაირად არ უკავშირდება რაიმე სახის მშენებლობასა ან სხვა სახის ინფრასტრუქტურულ პროექტს.