რაჭაში ტრაილერი საცხოვრებელ სახლში შევარდა - არიან დაღუპულები
ამბროლაურის მუნიციპალიტეტის სოფელ ხოტევში უბედური შემთხვევა მოხდა, რომელსაც სამი ადამიანი ემსხვერპლა.
როგორც საზოგადაოებრივ მაუწყებელს, რაჭა-ლეჩხუმისა და ქვემო სვანეთის გუბერნატორმა არჩილ ჯაფარიძემ განუცხადა, ამბროლაურის მიმართულებით მოძრავი ტრაილერი, რომელსაც ასფალტის სატკეპნი მანქანა გადაჰქონდა, ადგილობრივი მოსახლის ეზოში შევარდა, დაანგრია ავტოფარეხის შენობა და სახლის აივანს დაეჯახა. სახლის მცხოვრებლები შემთხვევის შედეგად არ დაშავებულან.
არსებული ინფორმაციით, დაღუპულები ტრაილერში მყოფი პირები არიან.
შსს-მ მომხდარზე გამოძიება დაიწყო.
