ცნობილმა ამერიკელმა მომღერალმა და მსახიობმა ჯენიფერ ლოპესმა  Instagram-ზე გამოაქვეყნა ვიდეომიმართვა, სადაც აღნიშნა, რომ პუერტო-რიკოში ქარიშხალ „მარიას“ შემდეგ თავის ოჯახს ვერ უკავშირდებოდა.  

 „გამარჯობა, მე ჯენიფერ ლოპესი ვარ. ეს ჩემი ყველაზე გლამურული გარეგნობა არ არის. ამჟამად ვეგასში ვმუშაობ, მაგრამ ეს ახლა მნიშვნელოვანი არ არის. ახლა ჩემი ფიქრებით პუერტო-რიკოში ვარ.

წარმოუდგენელად განადგურდა ყველაფერი. მე და ჩემმა ბიძაშვილმა ამ დრომდე არაფერი ვიცით ოჯახის შესახებ, რომელიც იქ არის. სულ ვფიქრობ როგორ ვუშველო მათ.

პუერტო-რიკო ორი ყველაზე საშინელი ქარიშხლისგან „მარიასგან“ და „ირასგან“ დაზარალდა. დღეს პუერტო-რიკოს თქვენი დახმარება სჭირდება.

მიყვარხართ და ჩემი გული თქვენთან არის“, - თქვა 48 წლის ვარსკვლავმა. „ერთად ჩვენ შევძლებთ კუნძულის აშენებას“, - აღნიშნა ჯეი ლომ მიმართვის დასასრულს.