ავარია ბათუმში - არიან დაშავებულები
ბათუმში ავარიის შედეგად ოთხი ადამიანი დაშავდა.
აეროპორტის გზატკეცილზე ერთმანეთს ორი მსუბუქი ავტომანქანა შეეჯახა.
დაშავებულები სასწრაფო დახმარების ბრიგადამ საავადმყოფოებში გადაიყვანა. ერთ-ერთის მდგომარეობა კრიტიკულია.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მეორე ნაწილით აღიძრა, რაც ტრანსპორტის მოძრაობის უსაფრთხოებისა ან ექსპლუატაციის წესის დარღვევას გულისხმობს.
