რუსეთში Whatsapp, Viber, Google და Facebook, შესაძლოა აიკრძალოს
რუსეთის კომუნიკაციების მინისტრის, ნიკოლაი ნიკიფოროვის განცხადებით, ის ინტერნეტ-საიტები, რომლებიც რუსულ კანონმდებლობას არ დაემორჩილებიან, ქვეყნის ტერიტორიაზე ვერ იმუშავებენ.
მოქმედი კანონის თანახმად, ვებ-გვერდები, რომლებიც რუსეთის მოქალაქეებზე პერსონალურ ინფორმაციას ფლობენ, რუსულ სერვერებზე უნდა განათავსონ.
„ტელეგრამი და სხვა საიტები, რომლებიც ჩვენს კანონმდებლობას არ დაემორჩილებიან, დაიბლოკებიან. ეს შეეხება არა მხოლოდ ტელეგრამს, არამედ Whatsapp, Viber, Google და Facebook. კანონი ყველაზე ერთნაირად ვრცელდება,“- აღნიშნა ნიკოფოროვმა.
