საცხოვრებელ სახლზე თვითმფრინავის დაცემას ცხრა ადამიანი ემსხვერპლა
ოჰაიოს შტატის ქალაქ ეკრონში საცხოვრებელ სახლზე თვითმფრინავის დაცემისას ცხრა ადამიანი დაიღუპა. ორი პილოტისა და შვიდი მგზავრის დაღუპვის ფაქტი Associated Press-ს ადგილობრივმა ხელისუფლებამაც დაუდასტურა.
კატასტროფის მომენტში სახლში არავინ იმყოფებოდა.
თვითმფრინავის ჩამოვარდნის მიზეზების დასადგენად დაწყებულია ავარიის გარემოების გამოძიება.
10-ადგილიანი თვითმფრინავი Hawker H25, რომელიც დეიტონიდან ეკრონში მიფრინავდა, ეკრონის აეროდრომიდან სამი კილომეტრის დაშორებით ჩამოვარდა. ჩამოვარდნისას მან ელექტროგადამცემი ხაზები გაწყვიტა და საცხოვრებელ სახლს დაეცა, რის შემდეგაც ცეცხლი გაუჩნდა და ნაწილებად დაიშალა.
