ლას-ვეგასში სულ მცირე 12 დაჭრილის მდგომარეობა კრიტიკულია
ლას-ვეგასში სულ მცირე 12 დაშავებულის ჯანმრთელობის მდგომარეობა კრიტიკულია. ამის შესახებ ტელეარხი CNN-ი ადგილობრივ საავადმყოფოებზე დაყრდნობით იუწყება.
სროლა გვიან ღამით მუსიკის ფეტსივალზე მოხდა, რომელიც ლას-ვეგასში კაზინოსთან ახლოს მიმდინარეობდა.
დაიღუპა 50-ზე მეტი და დაიჭრა 200-ზე მეტი ადამიანი. პოლიციის მონაცემებით, სროლა 64 წლის სტივენ პედოკმა განახორციელა. ის ლიკვიდირებულია.
სროლა სასტუმროს 32-ე სართულიდან მოხდა. სროლის დროს კონცერტზე ათობით ათასი ადამიანი იმყოფებოდა.
პოლიციის ცნობით, პედოკის სასტუმროს ნომერში რვა ერთეული იარაღია აღმოჩენილი.
