ერაყის ქურთისტანში საპრეზიდენტო არჩევნებისთვის ემზადებიან
ერაყის ქურთისტანის პრეზიდენტობისთვის ერთადერთი კანდიდატი იბრძოლებს. ამის შესახებ ავტონომიური რეგიონის საარჩევნო კომისიის თავმჯდომარემ ჰაჯი ომარმა განაცხადა.
მისივე თქმით, კომისიაში მხოლოდ მოჰამედ ტუფიკ რაჰიმია რეგისტრირებული. საპრეზიდენტო არჩევნები ერაყის ქურთისტანში 1 ნოემბერსაა დაგეგმილი.
მანამდე რეგიონში დამოუკიდებლობის რეფერენდუმი გაიმართა.
მოსახლეობის 90 პროცენტმა მხარი ერაყის შემადგენლობიდან გამოყოფას დაუჭირა.
ბაღდადი პლებისციტის შედეგებს არ ცნობს.
