ეგვიპტეში ტერაქტს 9 ადამიანი ემსხვერპლა
ეგვიპტეში ჩრდილოეთ სინაის პროვინციის ქალაქ ელ-არიშში ტერორისტების თავდასხმას 9 ადამიანი ემსხვერპლა.
ადგილობრივი მედიის ინფორმაციით, დაღუპულთა შორის ორი 3 წლის ბავშვია. ერთი დაშავებულის ჯანმრთელობის მდგომარეობა მძიმეა.
პოლიციის ცნობით, ყველა დაღუპული ერთი ოჯახის წევრები იყვნენ. ერთ-ერთი ვერსიით, ტერორისტების სამიზნეს პოლიციის განყოფილება წარმოადგენდა, მაგრამ ძლიერი აფეთქების შედეგად საცხოვრებელი სახლი დაზიანდა.
თავდამსხმელები ნიღბებით იყვნენ, მომხდართან დაკავშირებით მიმდინარეობს გამოძიება.
