დუშანბეში დისლოცირებული 201-ე რუსული ბაზის სამხედროებს 22 წლის ტაჯიკი გოგონას მკვლელობაში ადანაშაულებენ.

შაირა ჯაბიროვა ერთ-ერთ ადგილობრივ კაფეში მუშაობდა და რუს ჯარისკაცებს კარგად იცნობდა. გოგონა რუსული სამხედრო ბაზის ტერიტორიაზე გარდაცვლილი იპოვეს. მას სხეულზე მძიმე დაზიანებები აღენიშნებოდა. სამართალდამცავთა თქმით, გოგონა ჯერ გააუპატიურეს, შემდეგ კი ფიზიკურად სასტიკად გაუსწორდნენ.

დაკავებულია მკვლელობაში ერთი ეჭვმიტანილი - რუსი ოფიცერი ივან შერბაკოვი, რომელიც დუშანბეში კონტრაქტით მსახურობდა.

ქვეყნის ხელისუფლებამ რუსულ მხარეს ტაჯიკეთში რუსი სამხედრო მოსამსხურეების მხრიდან მსგავსი ქმედებების აღსაკევთად სასწრაფო ზომების გატარება მოსთხოვა. მომხდართან დაკავშირებით ტაჯიკეთში რუსეთის ელჩს საპროტესტო ნოტაც გაეგზავნა.