ხმელთაშუა ზღვაში მიგრანტების ორი ხომალდი ერთმანეთს შეეჯახა
ხმელთაშუა ზღვაში ტუნისსა და მალტას შორის ემიგრანტების ორი გემი ერთმანეთს შეეჯახა. ინციდენტის შედეგად სავარაუდოდ არის მსხვერპლი.
სამაშველო ოპერაციაში მალტის ხელისუფლება მონაწილეობს, რომელსაც იტალია ეხმარება, მასში ჩართულია იტალიის სანაპირო დაცვის ორი საგუშაგო კატერი, ფინანსური გვარდიის ერთი კატერი და საზღვაო-სამხედრო ხომალდი.
ადგილობრივი მედიის ცნობით, საუბარია ტუნისის გემისა და ნავის შეჯახების შესახებ, რომელთა ბორტზეც რამდენიმე ათეული მიგრანტი იმყოფებოდა.
გავრცელებული ინფორმაციით, ნავი ჩაიძირა, არის მსხვერპლიც. იტალიური პრესის ცნობით, დაღუპულია სულ მცირე რვა მიგრანტი.
