ამერიკელი მსახიობები გვინეთ პელტროუ და ანჯელინა ჯოლი ჰოლივუდის ცნობილ პროდიუსერს ჰარვი ვაინშტეინს სექსუალური ხასიათის შევიწროვებაში ადანაშაულებენ. ამის შესახებ The New York Times- წერს.

პელტროუს განცხადებით, როდესაც ის 22 წლის იყო, ვაინშტეინმა ის ჯეინ ოსტინის რომანის „ემას“ ეკრანიზაციისთვის მთავარ როლზე აიყვანა. გადაღებების დაყწებამდე პროდიუსერმა ახალგაზრდა მსახიობი სასტუმროს ნომერში გამოიძახა და მას უხამსი წინადადება შესთავაზა.

პელტროუმ ამის შესახებ ბრედ პიტს აცნობა, რომელსაც იმ დროს ხვდებოდა.

პიტი გოგონას გამოესარჩლა, მასთან საუბრის შემდეგ კი ვაინშტაინმა პელტროუ გააფრთხილა, რომ მომხდარის შესახებ არავისთვის ეთქვა.

ანჯელინა ჯოლიმ თავის მხრივ განაცხადა, რომ ვაინშტაინს მის მიმართ მსგავსი ქმედებები 1990-იანი წლების ბოლოს ერთ-ერთ ფილმზე მუშაობის დროს ჰქონდა.

 „ჰარვი ვაინშტეინთან ურთიერთობის უსიამოვნო გამოცდილება მქონდა ახალგაზდობის დროს, რის შემდეგაც გადავწყვიტე, მასთან არასდროს მემუშავა და სხვებიც გავაფრთხილე, მას თანამშრომლობაზე არ დათანხმებოდნენ.

პროდიუსერის მხრიდან სექსუალურ შევიწროვებაზე სხვა მსახიობებმაც ისაუბრეს. მათ შორის ამერიკელმა მსახიობმა როზანა არკეტმა, ცნობილმა ფრანგმა მსახიობმა ჯუდით გოდრეშმა და ამერიკელმა მსახიობმა ქეთრინ ქენდალმა.

თავად ვაინშტაინმა აღიარა, რომ თავისი ქმედებებით კოლეგებს ტკივილს აყენებდა და ბოდიში მოიხადა.

შედეგად ძმებ ბობი და ჰარვი ვაინშტეინების მიერ დაფუძნებულიWeinstein Company-ის დირექტორთა საბჭომ პროდიუსერი სამსახურიდან დაითხოვა.