გაფრთხილება არ მიმიღია - მეუფე პეტრე საგანგებო სინოდის სხდომაზე
დღევანდელი სხდომა არის წინ გადადგმული პოზიტიური ნაბიჯი ჩვენი ეკლესიისთვის, - ამის შესახებ საპატრიარქოდან გამოსვლის შემდეგ, ჭყონდიდის მიტროპოლიტმა, პეტრე ცაავამ ჟურნალისტებთან განაცხადა.
,,ვისაუბრეთ ყველა საკითხზე, მათ შორის ჩემს შესახებაც იყო საუბარი, თუმცა გაფრთხილება არ მიმიღია", - დასძინა მეუფემ.
საქართველოს საპატრიარქოში მართლმადიდებელი ეკლესიის წმინდა სინოდის სხდომა რამდენიმე წუთის წინ დასრულდა. მეუფე პეტრეს გარდა, საპატრიარქოდან გამოსვლის შემდეგ, კომენტარი ჯერჯერობით არც ერთ სხვა მღვდელმთავარს არ გაუკეთებია. სხდომა 2 საათზე მეტ ხანს გაგრძელდა.
