პუერტო-რიკო ქარიშხალ „მარიას“ შემდეგ, რომელიც მას 20 სექტემბერს დაატყდა თავს, კვლავ მძიმე მდგომარეობაშია.

კატასტროფა უყურადღებოდ არ დაუტოვებია მომღერალ რიკი მარტინს, რომელიც თავის ბოიფრენდთან ჯვანი იოსეფთან ერთად სამშობლოში ჰუმანიტარული მისიით ჩავიდა.

რიკი და ჯავანი მიაცილებდნენ თვითმფრინავს, რომლის ბორტზეც მოთავსებული იყო 50 ტონა ჰუმანიტარული დახმარება - მედიკამენტები, კვების პროდუქტები, სასმელი წყალი და სხვა.

ეს ყველაფერი მარტინის ფონდის სახსრებით შეიძინეს. თავდაპირველად მან ფონდში 100 ათასი დოლარი გადარიცხა, შემდეგ კი შემოწირულობების შედეგად ეს თანხა 3 მლნ დოლარამდე გაიზარდა.

„ჩემი ხალხი, ჩემი კუნძული. ყველაფერი კარგად იქნება“, - დაწერა რიკიმ Instagram-ის გვერდზე.

მარტინმა სტიქიური უბედურების შედეგების სალიკვიდაციო სამუშაოებშიც მიიღო მონაწილეობა.