ფინანსისტმა ჯორჯ სოროსმა ფონდ „ღია საზოგადოებას" 18 მილიარდ დოლარამდე გადაურიცხა.

The Wall Street Journal-ის ინფორმაციით, ტრანზაქციის შემდეგ, ფონდი ფილანტროპიურ ორგანიზაციებს შორის ერთ-ერთ მოწინავე პოზიციაზე აღმოჩნდა. იგი ამერიკის შეერთებულ შტატებში რიგით მეორე ყველაზე დიდი ორგანიზაცია გახდა.

ცნობისთვის, ფონდი საქართველოში 1994 წელს დაფუძნდა.

ფონდი ახორციელებს პროექტებს და მხარს უჭერს ისეთ ინიციატივებს, რომელიც ემსახურება კანონის უზენაესობას, ადამიანის უფლებების დაცვას, სამოქალაქო ორგანიზაციებისა და მედიის განვითარებას, სამოქალაქო ღირებულებების დამკვიდრებას, ეროვნულ და ევროპულ ინტეგრაციას, ჯანდაცვის სფეროს განვითარებასა და სოციალურ თანასწორობას.