სერენა უილიამსი და ალექსის ოგანიანი სასურველი ქორწინებისთვის ემზადებიან. შეყვარებულები დაქორწინების შესახებ ჯერ კიდევ გასული წლის დეკემბერში საუბრობდნენ, მაგრამ სპორტსმენის მოულოდნელი ორსულობის გამო ქორწილი გადადეს.

მაგრამ ახლა, როდესაც ბავშვი ამ ქვეყანას მოევლინა, წყვილი დაქორწინებაზე სერიოზულად დაფიქრდა.

ამ დღეებში შეყვარებულები ახალ ორლეანში შენიშნეს, სადაც ისინი ქორწილის ორგანიზატორებთან ერთად იმყოფებოდნენ.

სერენა და ალექსისი ქალაქზე, სადაც ცერემონია გაიმართება, შეთანხმდნენ, ახლა მათ შესფერისი ადგილის მოძებნა მოუწევთ.

იმისათვის, რომ პირადად შეარჩიონ ვარიანტები, მშობლებმა თვენახევრის გოგონა ფლორიდაში დატოვეს და კერძო თვითმფრინავით ახალ ორლეანში ჩაფრინდნენ.

ქორწილის ზუსტ თარიღს ალექსისი და სერენა საიდუმლოდ ინახავენ. თუმცა  სავარაუდოდ ცერემონია წელს გაიმართება, რადგან იანვარში უილიამსი კორტებზე დაბრუნებას და ავსტრალიის ღია ჩემპიონატში მონაწილეობას გეგმავს.