იტალიაში ლომბარდიასა და ვენეტოში გამართულ რეფერუნდუმში რეგიონების ავტონომიის გაფართოებას მხარი ამომრჩველთა უმრავლესობამ დაუჭირა. ლომბარდიაში კენჭისყრაში მონაწილეთა 95 პროცენტმა ხმა ავტონომიის გაფართოებას მისცა. რეფერენდუმში ამომრჩეველთა 40 პროცენტმა მიიღო მონაწილეობა.

ვენეტოს რეგიონში კი ავტონომიის გაფართოებას მხარდაჭერა ამომრჩეველთა 98 პროცენტმა გამოუცხადა. კომისიის მონაცემებით, რეფრენდუმში მონაწილეობა ადგილობრივი ამომრჩევლების 57 პროცენტმა მიიღო.

რეფერენდუმი ლომბარდიასა და ვენეტოში ავტონომიის გაფართოების შესახებ გუშინ გაიმართა. ორივე რეფერენდუმი კონსულტატიურ და ფორმალურ ხასიათს ატარებს და მას სამართლებრივი შედეგები არ მოყვება.