რამდენიმე დღის წინ სირიის დემოკრატიულმა ძალებმა და საერთაშორისო კოალიციამ აშშ-ის ხელმძღვანელობით სირიის ქალაქი რაქა „ისლამური სახელმწიფოს“ მებრძოლებისგან გაათავისუფლა.
რაქის შტურმი 6 ივნისს დაიწყო. ქალაქის გათავისუფლების შესახებ „სირიის დემოკრატიულმა ძალებმა“, რომელშიც ოპოზიციის არაბულ-ქურთული რაზმები შედიან, ოფიციალურად 20 იქტომბერს განაცახდა. დამასკო სირიის არცერთ რაიონს გათავისუფლებულად არ მიიჩნევს, ვიდრე იქ სირიის არმია არ შევა.
ხელისუფლების განცხადებით, „ისლამური სახელმწიფოს“ მებრძოლების დამარცხება პოზიტიურია, თუმცა აუცილებელია, რომ ქალაქში სირიის არმია შევიდეს.
რაქის გათავისუფლების შემდეგ საფრანგეთმა, გერმანიამ, დიდმა ბრიტანეთმა და აშშ-მა განაცხადეს, რომ ათობით მილიონ დოლარსა და ევროს გაგზავნიან ქალაქის განაღმვისა და აღდგენისათვის.
საბრძოლო მოქმედებების შემდეგ რაქა მიწასთან არის გასწორებული. სხვადსხვა ქვეყნის ფოტორეპორტიორებმა ქალაქის ნანგრევების კადრები ფოტოობიექტივზე აღბეჭდეს და პრესაში გაავრცელეს.
