უკრაინის გენერალურმა პროკურორმა იური ლუცენკომ საქართველოს ექს-პრეზიდენტსა და ოდესის ოლქის ყოფილ გუბერნატორს მიხეილ სააკაშვილს ურჩია თავისი უდანაშაულობა საქართველოს სასამართლოში დაამტკიცოს.
რადას წინ მიმდინარე აქციის მონაწილეების მოთხოვნის - უკრაინაში ანტიკონსტიტუციური სასამართლოს შექმნის შესახებ კომენტირებისას, ლუცენკომ სააკაშვილს ურჩია საქართველოს სასამართლოების სამართლიანობა შეამოწმოს.  

 „ჩემი შეკითხვაა: არის თუ არა საქართველოში ანტიკონსტიტუციური სასამართლო? არა, რადგან საეჭვოა, რომ იქ ყველა მოსამართლე პატიოსანი იყოს. არის საქართველოში ყველა მოსამრთლე სამართლიანი?! მაშინ წადი იქ და დაამტკიცე შენი უდანაშაულობა ქართული სასამრთლოს წინაშე, რომელმაც აღძრა სამი სისხლის სამართლის საქმე სააკაშვილის წინააღმდეგ“, - განაცხადა ლუცენკომ კიევში რეგიონალური განვითარების საბჭოს სხდომაზე.

მან საქართველოს ექ-პრეზიდენტი ორმაგი სტანდარტებში დაადანაშაულა.„სააკაშვილი, რომელიც გუშინ გენერალური პროკურატურის წინ გასტროლიორობდა, საქართველოს პრეზიდენტად ყოფნისას მიიღო კონსტიტუცია, რომელშიც ჩაწერა დეპუტატების ხელშეუხებლობის შესახებ მათი საცხოვრებელი სახლებისა და ავტომობილების ჩათვლით. ჩვენთან, უკრაინაში კი ის ამ ხელშეუხებლობის გაუქმებას მოითხოვს“, - აღნიშნა ლუცენკომ.