თურქეთში ანკარის სასამართლომ სანაპირო დაცვის სამსახურის  25 ყოფილ ოფიცერს სამუდამო პატიმრობა გასულ წელს მომხდარ გადატრიალების მცდელობასთან კავშირისთვის მიუსაჯა.

სასამართლოში საქმე 28 პირის მიმართ მიმდინარეობდა, სასამართლომ სამი მათგანი გაამართლა.

2016 წლის 16 ივლისს ამბოხებულებმა სამხედრო გადატრიალება სცადეს. მოვლენები სტამბოლსა და ანკარაში განვითარდა.

დაიღუპა 240 ადამიანი, 2 ათასზე მეტი კი დაიჭრა. ამბოხის შემდეგ დააკავეს 50 ათასზე მეტი ადამიანი, სამსახურებიდან კი 140 ათასზე მეტი საჯარო მოხელე დაითხოვეს.

ხელისუფლებამ გადატრიალების მცდელობაში ფეთჰულაჰ გიულენის ოპოზიციური ორგანიზაცია FETO დაადანაშაულა. თავად გიულენმა, რომელიც ამერიკაში ცხოვრობს, ამბოხი დაგმო და ბრალდება უარყო.