ექსკურსიაზე დაშავებული ბავშვებიდან ოთხი სამედიცინო დაწესებულებაში რჩება
ქედაში ექსკურსიაზე დაშავებული ექვსი ბავშვიდან ოთხი სამედიცინო ცენტრში რჩება.
ერთ-ერთს, გვიან ღამით ოპერაცია ჩაუტარდა, როგორც ექიმები აცხადებენ, მისი მდგომარეობა, ჯანმრთელობის სტაბილურია.
შეგახსენებთ, ავტოსაგზაო შემთხვევა გუშინ მოხდა. ბათუმის მე-6 საჯარო სკოლის მეექვსე კლასის მოსწავლეები ხულოდან ბათუმში ბრუნდებოდნენ, რა დროსაც ავტობუსის კარი გაიღო და ბავშვები გადმოცვივდნენ.
მომხდარზე გამოძიება 276-ე მუხლის პირველი ნაწილით დაიწყო, რაც ავტომობილის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.
